Æfingar á óratóríunni Salómoni ganga glimmrandi vel!

Í gærkvöldi léku og sungu saman Mótettukórinn og Alþjóðlega barokksveitin í fyrsta sinn kafla úr Salómoni og var hreinasta upplifun að sjá og heyra þetta stórkostlega verk byrja að raðast saman.

Það ríkti dillandi barokksveifla í Hallgrímskirkju þetta kvöld og stemningin magnaðist enn með málverkum Helga Þorgils Friðjónssonar sem voru að tínast á rétta staði í húsinu fyrir opnun hátíðarinnar, en hún verður á morgun, föstudag, kl. 17.